شرح انشاء سيرفر مايكروتك للمبتدئين Mikrotik

كثيرا ما نسمع هذا المصطلح اثناء تصفحنا للانترنت ، او عندما تفكر فى انشاء شبكة سواء من اجل ربح المال او بينك وبين مجموعة من جيرانك واصدقائك ، وعند تفكيرك فى انشاء الشبكة تحتار، كيف يمكنى ان انشىء شبكة قوية ، كيف يمكن ان احمى الشبكة من الاختراق وان انظم السرعة والدونلود والابلود وغيرها من الامور الاخرى ، مايكروتك او سيرفر مايكروتك هو الحل الانسب والافضل لك .. لذا اذا كنت مهتما فتابع معى هذا الدرس الشيق.

مقال من كتابة المدون سامح الخراز

مايكروتك هي شركة لاتيفية لانتاج معدات وبرمجيات الشبكات ومن أشهر منتجاتها برنامج مايكروتك بالإنجليزية (Mikrotik) وهو نظام لادارة الشبكات او بأختصار يقوم بتحويل اى كمبيوتر عادي وبسيط امكانياته محدودة إلى راوتر متطور يقوم بتوزيع الإنترنت على المستخدمين وبصلاحيات كبيرة كالحسابات و تحديد سرعة الابلود والداونلود او الكمية او منع نطاقات محددة وغيره وقد قامت شركة مايكروتك بتطوير أكثر من نسخة وذلك لنجاحها في الاسواق العالمية.

وبشكل عام المايكروتك هو نظام تشغيل يعتمد على لينوكس ويعرف بمايكروتك راوتر أو أس (MikroTik Router OS) مثل الانظمة التشغيل الاخرى ( Windows الويندوز ). اى ان المايكروتك هو نظام تشغيل يقوم بتقسيم السرعات وعمل صفحة اعلانات وفصل الخدمة يعنى تحكم كامل.

متطلبات انشاء سيرفر مايكروتك :

• كيسة كمبيوتر بسيطة رخيصة الثمن ( 150 او 200 جنيه مصرى ) تشمل هارد ديسك Hard desk حجمه مثلا 10 جيجا بيت 10 Gigabytes + رام 256 + كارت شبكة 2 NIC + سى دى رايتر ناسخ للاسطوانات ، بشكل عام اي كمبيوتر سيقوم بالغرض ولا تحتاج الى شاشة او فأرة او كيبورد أو اي شيء اخر. ويفضل ان يكون الهارد ديسك من النوع داتا DATA وليس ساتا SATA اما كان الهارديسك من نوع SATA فنقوم بتعديل اعدادته من البيوس.
• نسخة مايكروتك خام على ملف ISO ( حمل من هنا - الموقع الرسمي )، النسخة تجريبية للتحميل من الموقع الرسمي. واذا اردت النسخة الكاملة فهي مدفوعة فاما أن تقوم بشراءها او قم بالحصول عليها باي طريقة تريد. ثم يجب حرقها على اسطوانة او فلاشة وتثبيت النظام على الجهاز.

خطوات العمل :

بعد حرق نسخة المايكروتك على اسطوانة عادية ( سعة 700 MB ) بواسطة برنامج النيرو Nero ، نضع الاسطوانة فى سى دى روم الكيسة المراد تسطيب نسخة المايكروتك عليها. ( درس كيف تحرق نسخة على CD – room او فلاشة USB )

والان نذهب الى اعدادات الكيسة ( البوت Boot ) ونجعل القراءة من السى دى روم لكى نبدء فى تثبيت المايكروتك ( اعدادات البوت لاى جهاز f2 او f9 f12 او مفتاح Del او Delete فى لوحة المفاتيح حسب نوع بوردة كل جهاز ) ثم قم بتعديل البيوس ليتم التبويت من ال CD-ROM. ثم نبدأ فى تشغيل الكيسة المراد تثبيت المايكروتك عليها وتظهر لنا الشاشة التالية وهى واجهة المايكروتك وفيها معلومات عن نسخة المايكروتك. ( كيفية الاقلاع من الفلاش ميموري او CD )

وننتظر قليلا بضع ثوانى حتى تظهر لنا هذه الواجهة وفيها مجموعة من الباكدجات او البورتات الهامة فى النسخة ونرى فيها مجموعة من التعليمات على النحو التالى :

• a نضغط على هذا الزر فى لوحة المفاتيح لتحديد كل الباكدجات او البورتات.
• Space bar نضغط على زر المسطرة فى لوحة المفاتيح لالغاء تحديد اى من الباكدجات او البورتات.
• i لو ضغطنا على الزر فى لوحة المفاتيح سوف نقوم بتسطيب النسخة.
• q الضغط على على الزر فى لوحة المفاتيح يؤدى الى الغاء تسطيب النسخة او عمل روبوت للنسخة Reboot.

نقوم بعد ذلك بتحديد كل الاختيارات من خلال الضغط على زر a فى لوحة المفاتيح لانها المرة الاولي التي نقوم فيها بتثبيت نسخة المايكروتك.

ثم نضغط بعد ذلك على زر i فى لوحة المفاتيح من اجل تسطيب المايكروتك وتظهر لنا هذه الرسالة Do you want to keep old configuration ومعناها هل ترغب فى الاحتفاظ بالاعدادات القديمة ، وبما انها اول مرة لنا نضغط على زر n فى لوحة المفاتيح اى لا نرغب.

تظهر لنا هذه الرسالة warning : all data on the desk will be erased ومعناها تحذير كافة البيانات الموجودة على القرص سوف تمحى ، continue ? y or n نضغط على زر y فى لوحة المفاتيح ومعناها الاستمرار لانى لا احتاج الى الاحتفاظ باى داتا قديمة على الهارد ديسك.

كما نشاهد تبدأ نسخة المايكروتك فى التثبيت بسرعة ( من 5 دقائق الى 10 دقائق فقط ).

 تظهر لنا هذه الرسالة software installed ومعناها ان نسخة المايكروتك تم تثبيتها وتستطيع ان تعمل عليها لمدة 24 ساعة كمدة تجريبية ثم يطلب منك ان Press Enter to reboot تضغط على زر  Enter فى لوحة المفاتيح من اجل اعادة تشغيل كيسة المايكروتك.

بعد اعادة التشغيل نقوم باخراج اسطوانة النسخة من الـ CD-Room حتى لا يتم الدخول مرة اخرى الى واجهة التثبيت ، بعد ذلك تظهر لنا هذه الواجهة او النافذة ويطلب منا ادخال اسم الدخول للمايكروتك Login ونكتب الاسم الافتراضى وهو Admin اما خانة الرقم السرى او Password فنتركها كما هى ونضغط على زر انتر Enter فى لوحة المفاتيح.

تظهر لنا هذه النافذة مرة اخرى ونكتب login : admin اما Password فلا نكتب اى شىء ونضغط Enter.

بعد ذلك تظهر لنا هذه الواجهة وفيها معلومات عن النسخة والمدة التجريبية لها وهى 23 ساعة و44 دقيقة ويجب عليك بعد ذلك ان تقوم بتفعيلها او تنشيطها من خلال شراء النسخة الكاملة او اي وسيلة اخري تريدها.

وفى نهاية درسنا نكون قد تعرفنا على المايكروتك وطبيعة عمله ومتطلبات انشاء سيرفر المايكروتك وكيف نقوم بتثبيت نسخة مايكروتك بطريقة سهلة ، فاتمنى الا اكون قد اطلت عليكم ، فى الدرس القادم ان شاء الله سوف نتعرف على برنامج الـ Winbox ، فتابعونا دائما.

نسخة mikrotik 6.12 full ,mirotik كامله للكمبيوتر 6.12 من الميكروتيك الاصلية

نسخة mikrotik 6.12 full ,mirotik كامله للكمبيوتر 6.12 من الميكروتيك الاصلية النسخة كا

نسخة mikrotik 6.12 full ,mirotik
كامله للكمبيوتر 6.12 من الميكروتيك الاصلية النسخة كاملة


download

تركيب سيرفر ميكروتك اصدار 5.25

الموضوع الكامل والشامل لتركيب سيرفر ميكروتك اصدار 5.25
مع برنامج التفعيل HunterTik-v2.3.1
وبعد التركيب اكيد بنحتاج البرنامج الذي يتحكم في سيرفر الميكروتيك من خلال الويندوز وهو وينبوكس winbox





اول نقوم بتحميل نسخه ميكروتك 5.25

هنا

ثانيا نقوم بتحميل نسخه HunterTik-v2.3.1

هنا


...............


ثالثا نقوم بتحميل وينبوكس winbox





هنا


اتمنى للجميع التوفيق

الشرح الكامل لسيرفر الميكروتك للشبكات

الشرح الكامل لسيرفر الميكروتك للشبكات



(mikrotik )


البرنامج هو MikroTik Routers and Wireless


فى البداية ما هو سيرفر الميكروتك؟


سيرفر الميكروتك او برنامج الميكروتك هو برنامج فريد من نوعه ..


يقوم بتحويل الحاسب الى سيرفر وروتر ولكن خصائص الراوتر هذا متطوره جدا ...


تقوم بإعداداته وتنسااااه...





ما هى مميزاته وفوائده؟



مميــــــــــزاته:

1. تثبيت ايبي للمستخدم
2. تحديد باندويث اجمالي داونلوود وبعدها يفصل عليه تلقائيا .
3. تحديد باندويث اجمالي ابلوود وبعدها يفصل عليه تلقائيا .
4. تحديد عدد معين من الدقائق وبعدها يفصل عليه تلقائيا .
5. توزيع السرعات بالتساوي .
6. توزيع السرعات حسب ما تريد .
7. قفل وفتح اي بورتات لأي مستخدم او للكل .
8. يوزر وباسوورد مفتوحه اي غير مرتبطة بماك ادرس معين .
9. يوزر وباسوورد بماك ادرس معين .
10. دعاية .. تقوم ببرمجته ليفتح صفحات عند المشتركين وقت ما تريد تلقائيا .
11. يقوم الجهاز بالاشتغال تلقائيا لو انقطع عنه الكهرباء مثلا .
12. رسوم بيانية لتوضيح الباندويث .
13. معرفة المواقع التي يدخلها المستخدم الان .
14. حجب اي موقع تريد .
15. هوت سبوت بيوزر وباسوورد .
16. تصميم صفحة الدخول حسب ما تريد .
17. تحديد اوقات معينه للانترنت .
18. امكانية حماية المشتركين من الاختراق .
19. التحكم الكامل بالراوتر من اي جهاز به انترنت وبسهولة وطلاقة وسرعة.
20. تقرير بمحاولات الدخول الخاطئة المحاولات الصحيحة وكل شيء.
21. يوجد كاش بالراوتر .
22. شاشة للمستخدم تبين كمية التحميل والأبلوود
23. لايستهلك موارد كثيره من النظاام .
24. امكانية تشغيل اشتراكين في نفس الوقت وتوزيع الحمل بينهما ( لم أجربها بعد )..
25. .امكانية عمل راوتر الانترنت عن طريق اتصال دايل اب (لم اجربه بعد).
26. وهناك العديد العديد من المميزات الخيالية .

ماهي متطلبات الجهاز لتسطيب السيرفر عليه؟


جهاز كمبيوتر بمواصفات جيدة به معالج بانتيوم واحد فما فوق ورامات 32 فما فوق وهارد 32 ميجا فما فوق وجود كرتين شبكة ولا تحتاج الى شاشة او فأرة او كيبورد أو اي شيء اخر.
((( اي كمبيوتر سيفي بالغرض )))


ولكنى انصح ان يكون كلاتى



جهاز ذات مواصفات جيدة وكلما زادت الذاكرة كان أفضل ويفضل استخدام رام 1 جيجا او 512 ميجا وستحتاج ايضا الى كرتتين شبكة (lan) من نوع 10/100 lan


ويفضل استخدام كرتتين تدعم الفول دبليكس او الكرتتان ذات القدرة العالية 10-100-1000


وتحتاج فى حالة البث من الميكروتك بدون اكسس بوينت الى لانه لاسلكى تكون من نوع ثرى كوم أو سيناو او حاضنة او PCMCIحاضنة او ميكرونت..


بعد اما البرنامج ينزل فك الضغط بتاعو بالـ Winrar وبعد كده هبدأ ادخل اسطوانه فاضيه في الرايتر او الـ DVD WR..


3-امشي كالتالي بعد اما فتحت الـ Nero هدوس على neroexpress زي ما في الصورة










4-هيظهر الشكل التالي اختار منه Copy Entire Disc زي ما موضح في الصورة:











5-بعد اما دوس هيظهر الشكل التالي وهقف على كده شويه صغيرين














7-بعد اما ينزل تسطيب عادي خاالص ولو طلب ريستارت عادي خالص برضو اهم حاجة اللي جاي ..


8-اتبع الصور لعمل النسخة الوهمية للاسطوانة









9-لو دوست على Mount image هيظهر صندوق حواري عشان


يقولي فين الاسطوانه الوهمية اللي انت عايز تدخلها ؟؟ زي كده







10-طبعا بعد اما فكيت الضغط هحدد مكان الفك فيين زي ما انا عامل كده واقولو Open على الفايل الـ ISO اللي هوا تاني واحد في الصورة
وبكده نكون انتهينا من حته الـ Daemon


11 -نرجع بأه للـ Nero على الحته اللي احنا واقفين عليها وهنقول بس Copy زي ما في الصورة






12-ونستنى بأه لحد اما يخلص تحميل وبكده وصلنا لخطوة كويسه ان احنا حطينا الملف الـ ISO على الاسطوانه وعملنا اسطوانه الـ Mikrotik اللي هنسطبها على الجهاز اللي عندنا..


يعنى نحرق نسخة من البرنامج على اسطوانة
=========================================



طريقة تسطيب البرنامج من الاسطوانة



1- حط الاسطوانه في الجهاز وخليه يبوت منها كأنك هتسطب نسخه ويندوز ... وفي الحاله دي هيظهر التالي






زي ما مكتوب في الصورة بتاعت الموقع ... عشان تختار كل الباكدجات او الامكانيات اللي تقدر تحطها في الـ Mikrotik فهتدوس حرف الـ a عشان تختارها كلها وتنزل كلها على السيرفر وبعد كده تدوس حرف الـ i عشان يبدأ تسطيب..


2- هيسألك هل عايز تحتفظ بالاعدادات القديمة y ولا N وطبعا عشان ما فيش اعدادات قديمة ودي اول مره هتقولو N زي ما موجود في الصورة ..







واي حاجة يسألك عليها بعد كده دوس Enter من غير ما تقرا
وسيبو بأه يسطب


وبعد اما يخلص خااااااااااااااااااااااالص ... بكده نكون تمكنا بحمد الله تسطيب الـMikrotik ...


شرح اعداد البرنامج


المرحله الجايه هيا مرحلة تظبيط الاعادادت .. وفي المرحلة دي يا جماعه انا عايز اوضحلكو معناها
بالنسبه للنظام اللي عندنا الـ Mikrotik ده شغال ببيئه الـ Linux يعني مش ويندوز خالص .. يعني انسو اي حاجة خاصه بالويندوز خااالص وبالنسبه للناس اللي اشتغلت ISA Server ينسو خالص اللي حصل فيه بس مش اوي عشان هحتاج اوضحلكو شوية ارتباطات بينو وبين الـ Mikrotik ... المهم ... مش ده موضوعنا .. موضوعنا ان احنا عشان نعمل Configuration للروتر ده .. واقصد بالروتر هنا هوا سيرفر الميكروتيك لانو هيعمل نفس وظيفه الروتر تأريبا ... عشان نعملو Configuration من على بيئه الـ Linux هتبقى صعبه شوية لان طبعا احنا كلنا متعودين على بيئه الـ Windows واغلبيتنا مش بيعرف يتعامل مع الـ Linux فعشان كده هما نزلو مع السيرفر ده
برنامج صغير اسمو Winbox





البرنامج ده يا جماعه وظيفتو ان هيخلينا نعمل Configuration للميكروتيك من على بيئه الويندوز عادي ... استنو كده!!!... عارفين زي ايه ؟؟ زي بالظبط الروترات بتاعتنا في البيت ... هوا احنا مش لما بنيجي نتصل بالشركة عشان تعملنا الConfiguration بندخل على صفحة الروتر من على الويندوز عن طريق صفحة الاكسبلولر ؟؟؟؟ وساعتها بيطلعنا الـ GUI او من غير فزلكة Graphical User Interface او من غير فزلكة اكتر .. شاشه بتمكني اني اتعامل مع خصائص الروتر والاعدادات بتاعتها بشكل اسهل للمستخدم .. عشان احنا مش هنقدر ندخل جوا الروتر ذات نفسو ونعملو Configuration لاننها مش فاهمين البرمجة اللي متبرمج بيها صح ؟؟
هيا نفس الطريقه بالظبط ... الـ Winbox ده عباره عن Interface او اداه بتساعدك انك تظبط الخصائص بتاعت السيرفر بس من على جهاز متسطب عليه ويندوز ... يعني معنى ذلك .. انك هتوصل كارت من الكروت بالروتر والكارت التاني بسويتش مثلا ... ومن اي حته بأه في الشبكة او من على اي جهاز في الشبكة ونزلت عليه الـ winbox تقدر تفتح الـ Mikrotek وتظبط الخصائص بتاعتو ...


تابع معى الصور للدخول للميكروتك







في الصورة دي ... ممكن يوضح كلامي شوية ... لان انا اهو منزلو على الديسك توب من على جهاز شغال بويندوز على الشبكة ... غير الجهاز اللي احنا سطبنا عليه الـميكروتك...


3-هفتح البرنامج زي كده..





4-وبعدين ادوس على الزرار اللي عليه النقط اللي هوا فيه المسطيل بتاع Connect to اللي هوا موجود في الصورة دي






5-وبعد اختار اللي هيظهر في الاختيارات وادوس عليه وادوس Connect زي الصورة دي






6-وبعد كده هيحمل شوية صغيرين






وبكده نكون دخلنا على الميكروتيك من على جهاز عليه ويندوز ودي الصورة بتاعتو بعد ما دخلنا












شرح تغيير الاعدادات


بعد اما خلاص تم بحمد الله ودخلنا على الـ Mikrotik دلوأتي جه وقت التظبيط ومعايا كده خطوة خطوة ان شاء الله
كونت نوهت انا قبل كده بالنسبه للناس اللي كانو عاملين الايزا هحتاج افكرهم بحاجة .. فاكرين اول خطوة عملناها في الايزا كانت ايه ؟؟؟


... اللي هيا كانت تعديل اسامي الكروت
هنا هنعمل نفس الخطوة برضو وهتكون اول خطوة لينا زي ما هوا موجود في الصورة






اللي هيا كانت في الايزا Local area connection1 و Local area connection 2
دبل كليل على ethernet1 واخليه wan حسب الصورة كانت في الايزا External






عد كده دبل كليك على ethernet2 واخليه Lan زي ما مكتوب في الصورة اللي هيا كانت في الايزا Internal





وزي ما مشروح على الصورة المنقوله ... مش هعرف اضيف اي تعليق عليهم


بكده نكون خلصنا من حته التسمية ... هنيجي للجزء الخاص بأيبيهات الكروت ونركز شوية عشان الحته دي ناس كتير بتتلغبط فيها ...
طبعا احنا خلاص وصلنا الروتر بكارت من الكروت ووصلنا سويتش بالكارت التاني الخاص بالشبكة
على فرض ان احنا عندنا الروتر الايبي بتاعو مثلا زي ما انا عامل عندي 192.168.0.1 يبقى المفروض هنخلي الكارت اللي واصل بالروتر الايبي بتاعو 192.168.0.2 وده كلام منطقي ... صح ؟؟ اه صح


وعشان نعمل الحوار ده .. بعد ما نفتح الـ Mikrotik من الـ winbox زي ما قولنا قبل كده ... هنيجي على قايمة IP ونختار Addresses زي ما هوا موضح في الصورة







دوس على Addresses هتظهر الويندو ده





هدوس بأه على علامه الزائد الحمرا عشان تظهر الويندو دي





هنا بأه هنحط الايبيهات بتاعت الكروت اللي في الميكوتيك بما فيهم الكارت اللي متوصل بالروتر اللي احنا اتفقنا فوق اللي احنا هنخلي الاييبي بتاعو 192.168.0.2
عند كلمة address هشيل الاصفار اللي موجودة واحط مكانها 192.168.0.2/24 زي ما هوا مكتوب كده ناس هيقولولي ايه الـ 24 دي هقولو الماسك بتاع النتورك اللي هوا 255.255.255.0 ده معناها ... استنو لسه مش خلصنا ... هنختار من تحت من عند كلمة interface الكارت اللي متوصل عليه الايبي ده اللي هوا الـ wan لان احنا اتفقنا قبل كده انو متوصل بالروتر ... ولا انتو نسيتو ؟؟
كده خلصنا كارت الـ wan او الـ Externa
زى الصورة دى











وبكده نكون خلصنا الكارت اللي واصل بالروتر ... احنا ماشيين خطوة خطوة اهو
نيجي بأه للكارت اللي واصل بالسويتش اللي هيدي الناس النت واللي هوا هيكون بالنبسه للناس الجيت واي
وعلى فرض زي ما انا عامل عندي برضو .. ان الجيت واي بتاع الناس هوا 192.168.1.1 هنخلي الايبي بتاع الكارت اللي متوصل بالسويتش 192.168.1.1
نفس الكلام ... هندوس على زرار الزائد الاحمر ونفس الخطوات اللي فاتت ... بس المره دي عند الـ address هخليها 192.168.1.1 وعند الـ Interface تحت هخليها lan وفي الآخر OK زي ما في الصورة






عشان يبقى الشكل النهائي عندنا هوا






هيجي واحد واخد بالو .. يسألني ... طيب وهوا الميكروتيك .. ايه اللي عرفو .. ان في روتر متوصل والايبي بتاعو 192.168.0.1 زي ما اتفقنا .. ؟؟؟
ساعتها هقولك ... هوا اكيد مش هيعرف كده من نفسو ... عشان كده هنعرفو احنا
افتح قايمة IP وبعدين Routes زي ما في الصورة







اول ما تدوس على routes هيظهرلك الشكل ده ...









ايه ده .. ؟؟؟ ايوة دول الحاجات اللي احنا لسه معرفنها من شوية ... لكن هنضيف هنا الحته بتاعت الروتر اللي احنا لسه قايلنها .. ان احنا لازم نعرف الميكروتيك انو متوصل بروتر الايبي بتاعو 192.168.0.1
وبدام قولنا هنضيف يبقى هندوس على علامة الزائد زي ما في الصورة... وهنغير الـ gateway ونخليه 192.168.0.1 وندوس Ok زي ما في الصورة






عشان يبقى الشكل في النهايه






ولو لاحظتو انو من نفسو في الخانة بتاعت الـ Interface كتب wan عشان عرف ان الايبي ده في الرينج بتاع الكارت اللي متوصل بالروتر وده دليل ان احنا ماشيين صح بأذن الله.


كده انتهينا من تظبيط الكروت ... بس لسه برضو مافيش نت خرج للناس لأن لسه فاضلنا كذا حاجة
اولها الـ DNS وعشان نعرف الميكروتيك بالـ DNS هندخل على قايمة IP ومنها DNS زي ما في الصورة








هيظهر ويندو فاضي مش فيه حاجة ... نختار منو كلمة Settings وبعد كده هندخل الـ DNS بتاعنا الـ primary و الـ secondry ...طبعا الارقام اللي انا هاططها في الصورة ددي بتاعت TEdata